Бухорода йирик фирибгарлик ҳолати юзасидан жиноят иши қўзғатилди

Иллюстратив фото

Бухоро шаҳар ИИОФМБга бир фирибгардан жабр чеккан фуқаролардан кетма-кет аризалар туша бошлади, деб ёзмоқда «Постда» нашри.

Маълум бўлишича, Н.С. 2018 йил сентябрь ойи бошларида Бухоро шаҳрида яшовчилар М.К.дан 33 900 АҚШ долларилик тилла тақинчоқлар ва кийим-кечакларни, Р.Д.дан жами 67 295 000 сўмлик тилла тақинчоқларни қисқа муддатларда сотиб беришни ваъдалашиб олган. Лекин у келишилган пулларни ҳозирги кунга қадар қайтармаган.

Бундан ташқари, ўзининг жиноий ҳаракатларини давом эттириб, 2019 йил май ойи бошларида вилоят марказида яшовчи С.М.дан 22 дона “ROSSO” номли телевизорларини олиб, уни ҳам чув туширган.

Ҳозирда ушбу ҳолат юзасидан жиноят иши қўзғатилиб, тергов ҳаракатлари давом этмоқда.