У ўғирланган телефондан полицияга қўнғироқ қилиб, турли бинолар миналаштирилгани тўғрисида ёлғон хабарлар берган.
Ҳиндистоннинг Тамилнад штати Ченнай шаҳрида яшовчи эркак мина ҳақида икки марта ёлғон қўнғироқ қилганидан сўнг ҳибсга олинди, деб хабар берди Indiaglitz портали.
Нашрнинг хабарига кўра, қашшоқлик ва очлик уни шу ишни қилишга мажбур этган.
Қайд этилишича, "телефон террорчиси" икки марта уйланган бўлиб, ҳар икки хотини ҳам уни ташлаб кетган. У шундан сўнг тушкунликка тушиб, ишдан бўшаган. Уйсиз ва ишсиз қолган эркак овқат ва бошпанага эга бўлиш учун қамоққа тушишга қарор қилган.
У ўғирланган телефондан полицияга қўнғироқ қилиб, турли бинолар миналаштирилгани тўғрисида ёлғон хабарлар берган. Полиция унинг қаердан қўнғироқ қилаётганини аниқлаган ва ҳибсга олган.
