Тошкентда қатор автобус йўналишлари ҳаракатига вақтинчалик ўзгартиришлар киритилди. Бу ҳақда "Тошшаҳартрансхизмат" хабар бермоқда.
Қайд этилишича, пойтахт метрополитени Юнусобод йўналишининг иккинчи босқичи қурилиши доирасида ер ости ўтиш йўлини барпо этиш ишлари олиб бориляпти.
Шу муносабат билан Юнусобод туманидаги Аҳмад Дониш кўчасининг Юнусота ва Ҳусайний кўчалари оралиғидаги қисми 2019 йилнинг 15 ноябридан 22 ноябрь кунига қадар вақтинча ёпилиши хабар қилинганди.
"Тошшаҳартрансхизмат" АЖ таркибидаги автокорхоналарга бириктирилган 5, 52, 60, 72, 82, 91, 96, 97, 140, 149, 152, 190-сонли автобус йўналишлари ҳаракатига вақтинчалик ўзгартиришлар киритилди.
