Фото: Цивилизацияни ютиб юборишга қодир табиат – рассом тасаввурида

Фото: Чарли Даволи

Чарли Даволи – сайёрамиз келажагини ўзига хос суратда кўра оладиган истеъдодли фоторассом. У инсон ва табиат ўртасидаги қарама-қаршиликда табиат томонда бўлишни афзал билади. Чунки эртами-кечми табиат замонавий цивилизацияни ютиб юборишига ишонади.

Сюрреалистик фотография вакили ўз ижод намуналарини Instagram саҳифасига жойлаб боради.

Даволи бу йилни фаол саёҳатларга сарфлаб, дунёнинг ярмини айланиб чиқди. Қаерда бўлмасин, шаҳар манзараларини суратга олди. У ёввойи табиат бу жойни қўлга киритиш учун кураш олиб борганида қандай кўринишда бўлишини тассавур қилишга уринди.

Шу тариқа «Табиат антиутопияси» лойиҳаси пайдо бўлди. Унда шаҳар манзаралари табиат томонидан забт этилган ва унинг хоҳишига кўра ўзгартирилган. Табиат ўзига тегишли маконни ўзи истаган тарзда қайта тақсимлайди. Йўлида учраган инсоният изларини «яксон қилади».