Ўзбекистон - Италия саммити ўтказилади

Фото: ТИВ ахборот хизмати

2019 йилнинг 11 декабрь куни Рим шаҳрида бўлиб турган Ўзбекистон Республикаси ташқи ишлар вазири Абдулазиз Комилов Италия Республикаси бош вазирининг дипломатик маслаҳатчиси, элчи Пьетро Бенасси билан учрашди.

Ташқи ишлар вазирлиги хабарига кўра, суҳбат чоғида икки томонлама муносабатларнинг долзарб масалалари, аввало, савдо-иқтисодий ва инвестицион соҳалар муҳокама қилинди.

Бўлажак Ўзбекистон-Италия саммитига тайёргарлик юзасидан фикр алмашилди, унинг мазмунли қисми ва шартномалар лойиҳалари батафсил кўриб чиқилди, дейилади маълумотда.

Бундан олдин, Абдулазиз Комилов Ватикан вакили билан учрашгани хабар қилинганди.