Ғазни вилоятида “Толибон” ҳаракати жангарилари томонидан камида тўққиз нафар ҳарбий ўлдирилди. Бу ҳақда Афғонистон мудофаа вазирлигининг Twitter саҳифасида маълум қилинди.
"Кеча Ғазни вилоятининг Қорабоғ уездида “Толибон” террорчилари томонидан Афғонистон миллий армиясининг тўққиз нафар аскари ўлдирилди", - дейилади вазирлик хабарида.
"Синьхуа" агентлиги эса толиблар ҳужуми оқибатида 25 нафар ҳарбий ҳалок бўлганини хабар қилди.
Аввалроқ “Толибон” ҳаракати жангарилари Жузжон вилояти Файзобод уездида 40 нафар оқсоқолни ўғирлаб кетишгани хабар қилинганди.
