Чемпионлар лигасида 1/8 финалга қуръа ташланди

Бугун, 16 декабрь куни Швейцариянинг Ньон шаҳрида Чемпионлар лигаси 1/8 финалига қуръа ташлаш маросими ўтказилди. 

Қуръа натижаларига кўра «Реал» «Сити»га қарши ўйнайди, «Барселона» яна Италияга сафар қиладиган бўлди.

«Боруссия» (Дортмунд, Германия) – «Пари Сен-Жермен» (Франция)
«Реал» (Испания) – «Манчестер Сити» (Англия)
«Аталанта» (Италия) – «Валенсия» (Испания)
«Атлетико» (Испания) – «Ливерпуль» (Англия)
«Челси» (Англия) – «Бавария» (Германия)
«Лион» (Франция) – «Ювентус» (Италия)
«Тоттенҳэм Ҳотспур» (Англия) – «РБ Лейпциг» (Германия)
«Наполи» (Италия) – «Барселона» (Испания)

1/8 финалда битта гуруҳдан чиққан жамоалар ва битта лигага мансуб бўлган жамоалар ўзаро тўқнаш келмади. Сараланганлар саватчасида бўлган жамоалар 1/8 финалнинг жавоб учрашувларини ўз майдонида ўтказишади.

Чемпионлар лигаси плей-оффида илк марта фақат топ-5 лигалар вакиллари иштирок этишмоқда.

1/8 финалнинг биринчи ўйинлари 18, 19, 25 ва 26 февраль кунлари бўлиб ўтади. Жавоб баҳслари — 10, 11, 17 ва 18 март кунларига белгиланган. Ўйинларнинг бошланиш вақти Тошкент вақти билан соат 01:00. Чорак финал ва ярим финал учун қуръа ташлаш маросими 20 март кунига белгиланган.