«Лос-Анжелес Гэлакси»нинг собиқ ҳужумчиси Златан Ибраҳимович фаолиятини «Милан»да давом эттиради.
38 ёшли футболчи «россонери» билан 6 ойлик шартномани имзолади. Уни яна бир мавсумга узайтириш имконияти ҳам бор. Златан «Милан»да 11-рақам остида тўп тепадиган бўлди.
Аввалроқ унинг ярим йиллик маоши 3 млн евро бўлиши ҳақида хабарлар тарқалган эди.
Эслатиб ўтамиз, Ибраҳимович 2010-2012 йиллар давомида «Милан» шарафини ҳимоя қилган.
