Польша авиакомпанияси Эрон ҳаво сарҳадини айланиб ўтишга қарор қилди

Фото: AP

Польшанинг LOT миллий авиакомпанияси парвозларни Эрон ҳаво ҳудуди орқали амалга оширмаслик тўғрисида қарор қабул қилди. Бу ҳақда авиакомпания вакили Михал Черницкий маълум қилди.

"Бугун бизнинг самолётларимиз Эрон ҳаво сарҳадини айланиб ўтиши тўғрисида қарор қабул қилинди. Эрон ҳаво сарҳади орқали амалга оширилиши режалаштирилган парвозлар йўналиши ўзгарди", - деди Черницкий.

У Варшавадан Ҳиндистон, Сингапур, Бангкок ва Шри-Ланкага учадиган рейслар тўғрисида гап бораётганини маълум қилди.

Эслатиб ўтамиз, 2 январдан 3 январга ўтар кечаси Бағдодда эронлик генерал Қосим Сулаймоний ўлдирилди. У шахсан Дональд Трампнинг топшириғи билан амалга оширилган операция натижасида ҳалок бўлди.

Эрон Сулаймоний ўлими учун қасос олинишини билдирди.

Тайёрлаган Дилшод Аскаров

#Эрон #Польша

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.