Эронда генерал Қосим Сулаймонийни дафн этиш маросими вақтида юзага келган талатўп оқибатида камида 35 киши ҳалок бўлди ва 200га яқин киши жароҳатланди. Бу ҳақда Эрон давлат телевидениесига асосланиб Associated Press хабар берган.
Бугун марҳум генералнинг она шаҳри Кирмонда уни дафн этиш маросими ўтказилмоқда, маросимга ўн минглаб кишилар ташриф буюрган.
«Афсуски, Кирмондаги дафн маросими иштирокчилари тиқилинч ҳосил қилиши оқибатида одамлар ҳалок бўлишди, жабрланганлар тиббий марказларга олиб борилди», - деган шаҳар тез тиббий ёрдам хизмати раҳбари.
Эрон Ислом инқилоби муҳофизлари корпуси (ИИМК)нинг «Ал-Қудс» махсус бўлинмаси қўмондони бўлган генерал Қосим Сулаймоний 3 январь куни Ироқнинг Бағдод шаҳрида америкалик ҳарбийлар берган авиазарба натижасида ҳалок бўлганди. Ўтган кунлар мобайнида унинг жасади Аҳваз, Қум ва Теҳрон шаҳарлари бўйлаб айлантирилди ва бугун Эрон жануби-шарқида жойлашган Кирмон шаҳрига келтирилди.
Сешанба куни Эроннинг кўплаб шаҳарларида марҳум генерални хотирлаш маросимлари ўтказилмоқда, шу билан бир вақтда АҚШга қарши намойишлар бўлиб ўтмоқда. Сулаймонийнинг портретларини кўтариб кўчага чиққан намойишчилар «Америкага ўлим» ва «Исроилга ўлим» шиорларини ҳайқиришмоқда.
Ислом инқилоби муҳофизлари корпуси қўмондони генерал-майор Ҳусайн Саломий Кирмондаги дафн маросими чоғида Сулаймонийнинг ўлимига жавоб сифатида «Қўшма штатларни севган барчага ўт қўйиш» билан таҳдид қилди.
Число жертв давки, произошедшей в ходе прощания с генералом Касемом Сулеймани в Иране, достигло 40 человек, сообщают иранские СМИ со ссылкой на медиков. Власти не могу обеспечить безопасность собравшихся и похороны, как пишут, будут перенесены на другой день. pic.twitter.com/NGhBW6Nu4S
— Roustem Adagamov (@adagamov) January 7, 2020
Сешанба куни Эрон парламенти бир овоздан Америка армияси ва Пентагонни террорчи ташкилотларга тенглаштирувчи қонун лойиҳасини қабул қилди
Эрон олий миллий хавфсизлик кенгаши Қосим Сулаймонийнинг ўлдирилиши учун АҚШдан қасос олишнинг 13 хил вариантини тайёрлаган.
АҚШ ҳукумати Эрон ташқи ишлар вазири Жавод Зарифга виза беришдан бош тортди. Вазир БМТ Хавфсизлик кенгашининг 9 январь куни Нью-Йоркда ўтказиладиган йиғилишида иштирок этмоқчи эди.
