Коронавирус сабабли Хитойдаги яна бир шаҳар ёпилди

Фото: AP/ТАСС

Коронавирус тарқалиши хавфи сабабли 27 январдан Гуандун провинциясидаги Шаньтоу шаҳрига кириш тақиқланди.

Маълум қилинишича, Шаньтоу шаҳрига автомобиль ва сув транспорти ҳамда пиёдаларнинг кириши тақиқланади. Шаҳардаги район ва уездларни боғлаб турувчи йўллар ёпилади.

Айни вақтда парклар, дўконлар, бозорлар ва бошқа ижтимоий объектларга киришда барчанинг тана ҳарорати ўлчанмоқда. Айрим жойларга ҳимоя ниқобисиз кириш тақиқланган.

Сўнгги маълумотларга кўра, вирусдан вафот этганлар сони 56 кишига етган, коронавируснинг янги туридан келиб чиққан пневмония билан касалланганлар сони 1975 нафарни ташкил этмоқда.

Тайёрлаган Дилшод Аскаров

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.