БААда янги коронавирусни юқтириш бўйича дастлабки ҳолат қайд этилди

Фото: AP

БАА соғлиқни сақлаш вазирлиги коронавирус юқтириш бўйича дастлабки ҳолат қайд этилганини тасдиқлади. Бу ҳақда Arab News нашри хабар бермоқда.

Вазирликнинг маълумот беришича, касалликка чалинганлар Ухань шаҳридан бўлган оиланинг вакилларидир. Беморларнинг сони маълум қилинмаяпти, вазирликнинг билдиришича, уларнинг ҳолати барқарор.

Нашрнинг қўшимча қилишича, бу Яқин шарқда қайд этилган дастлабки ҳолатдир.

БАА ҳукумати соғлиқни сақлаш органлари билан мувофиқликда тегишли чораларни амалга ошираётгани хабар қилинган.

Хитойда янги коронавирусдан вафот этганлар сони бир кун ичида яна 26 нафарга кўпайиб, умумий ҳисобда 132 нафарга, касалланганлар сони эса 1459 нафарга кўпайиб, 5974 нафарга етди. Бошқа давлатлардаги касалланганлар ҳисобга олинса, бутун дунё бўйлаб ушбу вирусдан касалланганлар сони 6052 нафарга етди.

Тайёрлаган Шуҳрат Раҳимов

#БАА #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.