Яқин соатларда Хитойдан яна иккита чартер рейс амалга оширилади – манба

Хитойдаги ўзбекистонликларни эвакуация қилиш бўйича белгиланган учта чартер рейснинг навбатдаги иккитаси 5 февралга ўтар кечаси амалга оширилиши кутиляпти. Бевосита Ухан шаҳридан 80дан ортиқ ўзбекистонлик олиб келиниши мумкин.

Фото: Соғлиқни сақлаш вазирлиги

Коронавирус эпидемияси туфайли Хитойдаги ўзбекистонликларни ватанга қайтариш бўйича яна иккита эвакуация рейси 5 февралга ўтар кечаси амалга оширилиши кутиляпти.

Санитария-эпидемиологик осойишталик агентлигидаги Kun.uz манбасига кўра, 5 февраль куни соат 00:25 ва соат 03:30 оралиғида Хитойдан келган икки самолёт Тошкентга қўниши кутилмоқда.

Самолётлардан бири Пекиндан, иккинчиси Ухандан парвозни амалга оширади. Вирус ўчоғига айланган Ухандан учадиган самолётда 80дан ортиқ ватандош олиб келиниши мумкин.

Эслатиб ўтамиз, 4 февраль куни Пекиндан 250 нафар ўзбекистонликни олиб учган Uzbekistan Airways'нинг Boeing-767 самолёти соат 17:21да Тошкентга қўнди. Бирламчи текширувлар натижасида олиб келинганларнинг ҳеч бирида коронавирус аломатлари аниқланмади.

Улар эндиликда 14 кун давомида карантинда бўлади.

Тайёрлаган Комрон Чегабоев

#коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.