Ўзбекистон яшаш учун энг арзон топ-5 мамлакат қаторига кирди

CeoWorld Magazine нашри маълумотларига кўра, яшаш учун энг арзон топ-5 мамлакат қаторига Ўзбекистон, Сурия, Ҳиндистон, Афғонистон ва Покистон кирди.

Швейцария дунёда яшаш учун энг қиммат давлатлар рейтингида биринчи ўринни эгаллади. Норвегия иккинчи, Исландия учинчи поғонада. Шунингдек, топ ўнликдан Япония, Дания, Багам ороллари, Люксембург, Исроил, Сингапур ва Жанубий Корея жой олди.

Франция 14-ўринда қайд этилди, АҚШ - 20, Буюк Британия - 27, Германия 29-поғонани эгаллади.

132 мамлакатдан иборат рўйхат охирида Ўзбекистон, Сурия, Ҳиндистон, Афғонистон ва Покистон қайд этилди.

Рейтинг бешта кўрсаткични ҳисобга олади: уй сотиб олиш нархи, уйни ижарага олиш қиймати, озиқ-овқат нархи, ресторандаги ўртача тўлов ва аҳолининг харид қобилияти.