Миллий мақом академияси фаолияти йўлга қўйилади

Маданият соҳасини тубдан такомиллаштириш чораларини кўриш режалаштирилмоқда

Ўзбекистонда Миллий мақом академияси ташкил этилади. Бу ҳақда Ҳаракатлар стратегиясини “Илм-маърифат ва рақамли иқтисодиётни ривожлантириш йили”да амалга оширишга оид давлат дастури лойиҳасида айтилган.

Қайд этилишича, 2020 йил 1 апрелга қадар норматив-ҳуқуқий ҳужжат лойиҳаси тайёрланади. Лойиҳада:

Маданият вазирлиги ташкилий тузилмаси ва ҳудудий тузилмалари қайта кўриб чиқиш;

вазирлик тузилмасида “Пиар маркази”ни ташкил этиш;

маданий-маърифий соҳада амалга оширилаётган ишларни янги босқичга олиб чиқиш;

бундай тадбирларга санъаткорларни шартнома асосида жалб қилиш;

Миллий мақом академиясини ташкил этиш назарда тутилади.

Масъуллар - Маданият вазирлиги, Ўзбекистон бадиий академияси, Республика маънавият ва маърифат маркази, Ўзбекистон Ёзувчилар уюшмаси, Ўзбекистон Композиторлар ва бастакорлар уюшмаси.