Хитой фуқароларига Россияга кириш тақиқланди

Россия Хитой фуқароларига ўз чегарасини ёпмоқда. 20 февралдан Хитойдан келувчи барчага: сайёҳлар, талабалар, тадбиркорларга Россияга кириш тақиқланади.

Фото: ТАСС

Хитой фуқароларига Россияга киришни тақиқловчи қарорни Россия бош вазири Михаил Мишустин имзолаган. 20 февралдан Россияга сайёҳлик, таълим олиш ва шахсий мақсадларда келувчи хитойликларга чегаралар ёпилади.

Ушбу қарор “давлат хавфсизлигини таъминлаш, аҳоли саломатлигини ҳимоялаш ва янги коронавирус тарқалишига йўл қўймаслик” мақсадида қабул қилинган.

Шунингдек, Россия Хитой фуқароларининг кириши учун ҳужжатларни расмийлаштиришни, жумладан виза учун ҳужжатлар қабулини, киришга таклифлар, хорижий ишчиларни жалб қилиш рухсатномаларини беришни вақтинчалик тўхтатади. Ҳар қандай ҳужжатлар қабули 19 февралдан тўхтатилади.

Тайёрлаган Шуҳрат Раҳимов

#Россия #Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.