Қароқчилар Нигерия соҳиллари яқинида бир неча денгизчини ўғирлаб кетди

Қайд этилишича, қароқчилар жами 10 денгизчини, жумладан бир неча нафар Грузия фуқаросини ўғирлаб кетган.

Фото: AFP

Нигериянинг Лагос порти яқинидаги танкерга ҳужум қилган қароқчилар бир неча нафар грузиялик денгизчини ўғирлаб кетди. Бу ҳақда "Рустави-2" телекомпанияси хабар берди.

Телекомпаниянинг маълумот беришича, қароқчилар Либерия байроғи остидаги кемага тунда ҳужум уюштирган.

Қайд этилишича, қароқчилар жами 10 денгизчини, жумладан бир неча нафар Грузия фуқаросини ўғирлаб кетган.

Қароқчилар ҳужум чоғида ўқотар қуроллардан фойдалангани хабар қилинмоқда.