Тошкент ҳокимига янги ўринбосар тайинланди

Тошкент ҳокимига янги ўринбосар - Маҳалла ва оилани қўллаб-қувватлаш бошқармаси бошлиғи тайинланди.

Фото: Тошкент ҳокимлиги матбуот хизмати

Тошкент ҳокимлиги матбуот хизмати маълумотларига кўра, Зуфаров Дада-Али Нигматович Тошкент ҳокими ўринбосари, ҳокимликнинг Маҳалла ва оилани қўллаб-қувватлаш бошқармаси бошлиғи этиб тайинланди.

Дада-Али Зуфаров 1975 йилда Тошкент шаҳрида туғилган. 2001 йилда Тошкент архитектура қурилиш институти, 2006 йилда Тошкент давлат юридик институтини тамомлаган. 2001 йилдан шу вақтга қадар ҳуқуқ-тартибот идораларида фаолият олиб борган.

Ўзбекистон Президентининг «Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида»ги фармонига мувофиқ, вилоятлар ва Тошкент шаҳри ҳокимликлари тузилмасида ҳоким ўринбосари - Маҳалла ва оилани қўллаб-қувватлаш бошқармаси бошлиғи лавозими жорий қилинди.