Карим Камолов Бухоро вилояти ҳокими вазифасини бажарувчи этиб тайинланди
![](https://storage.kun.uz/source/5/HXR73HOIggfFuz_SCRLv107KWGrkkMBp.jpg)
Бугун, 29 февраль куни Бухоро вилояти фаолларининг йиғилиши бўлиб ўтди. Бу ҳақда вилоят ҳокимлиги матбуот хизмати хабар бермоқда.
Йиғилишда Ўзбекистон Республикаси бош вазири Абдулла Арипов сўзга чиқди. Кейинги йилларда Бухоро вилоятини ижтимоий-иқтисодий ривожлантириш бўйича амалга оширилган ишлар, бу ишда вилоят ҳокими сифатида ишлаб келган Ўктам Барноевнинг ташаббускорлиги, талабчанлиги алоҳида ўрин тутганлиги таъкидланди.
![](https://storage.kun.uz/source/5/P6yolwdVEU-wkvVXTrp15hXMf4jOCbzK.jpg)
Шундан сўнг Абдулла Арипов президентнинг Ўктам Барноевни Ўзбекистон Республикаси бош вазирининг аграр ва озиқ-овқат соҳаларини ривожлантириш масалалари бўйича ўринбосари лавозимига тасдиқлаш тўғрисидаги фармонни ўқиб эшиттирди.
![](https://storage.kun.uz/source/5/LUpKwN_TRU1avrUw8_qFsMQPht3H-y0K.jpg)
Президент администрацияси раҳбари Зайнилобиддин Низомиддинов президент фармонига мувофиқ ҳозирга қадар Бухоро шаҳар ҳокими вазифасида ишлаб келган Карим Камолов Бухоро вилояти ҳокими вазифасини бажарувчиси этиб тайинланганлиги ҳақида маълум қилди.
![](https://storage.kun.uz/source/5/EeVto3WIxc8YbDeoBTYb5SQWD1WemJU1.jpg)
Маълумот учун, Карим Камолов Бухоро шаҳрини 1997-2011 йиллар давомида бошқарган. 2017 йилда у шаҳар ҳокими лавозимига қайтарилди.
![](https://storage.kun.uz/source/5/vMy_jsgETI0GemFJSlxJ11MWltvM2zX7.jpg)
![](https://storage.kun.uz/source/5/vEdQu4TVyzEmaPxWk_O2gjpQXSxPGu3y.jpg)