Қўшимча функционаллар
-
Тунги кўриниш
Саудия Арабистонида коронавирусдан илк касалланиш ҳолати қайд этилди
Саудия Арабистонида коронавирусга чалиниш бўйича илк ҳолат қайд этилди. Вирус подшоҳликка Эрондан келган саудияликда аниқланган.
Фото: Reuters
Бу ҳақда Саудия Арабистони соғлиқни сақлаш вазирлиги хабар қилган.
“Лаборатория текширувлари Эрондан Баҳрайн орқали келган саудиялик коронавирусга чалинганини тасдиқлади”, дейилган хабарда. Айни вақтда касалланган фуқаро шифохоналардан бирига карантинга жойланган, у шифокорлар кузатуви остида қолмоқда. У билан алоқада бўлган барча кишилар аниқланиб, улардан таҳлиллар олинган.
Аввалроқ Саудия Арабистони расмийлари коронавирус тарқалиши билан боғлиқ ҳолда Макка шаҳрида Умра амалини бажариш ва Мадинада Набавий Масжидни зиёрат қилиш учун келадиган фуқароларнинг мамлакатга киришини вақтинчалик тўхтатиб қўйганди.
Шунингдек, подшоҳликда коронавирусга чалиниш ҳолатлари кўп сонда қайд қилинган 7 та давлат - Хитой, Япония, Сингапур, Жанубий Корея, Малайзия, Италия ва Қозоғистон фуқароларига электрон туристик визалар берилиши вақтинча тўхтатилганди.
Коронавирус
Мавзуга оид
07:26 / 28.02.2026
Ар-Риёдда 2 кмлик Rise Tower: сайёрадаги энг баланд бино қурилади
11:42 / 23.02.2026
Араб давлатлари АҚШ элчисининг Исроил чегаралари ҳақидаги сўзларини танқид қилди
17:57 / 20.02.2026
Саудия Арабистони Ҳаж мавсуми бошланишидан олдин Умра зиёратини вақтинча тўхтатади
22:53 / 27.01.2026