«Жаҳон йил автомобили» танловининг финалчилари маълум бўлди
“Жаҳон йил автомобили” (World Car of the Year) танлови ташкилотчилари танловнинг асосий ва қўшимча йўналишлари бўйича финалга чиққан моделларни маълум қилишди. Финалчи автомобиллар турли давлатлардан бўлган ва автомобиллар оламини ёритувчи 86 нафар журналист орасида овоз бериш натижаларига кўра танлаб олинган.
Жорий йилда асосий йўналишда ғолиблик учун Kia Telluride, Mazda3 ва Mazda CX-30 моделлари даъвогарлик қилади. Бундан ташқари, “Шаҳар автомобили”, “Ҳашаматли автомобил”, “Спорт автомобили” ва “Энг яхши дизайн” йўналишларида ҳам ғолиблар аниқланади. Аввал энг экологик автомобил учун берилган мукофот тугатилган.
Drumroll please! The 2020 World Car Awards now have a Top Three shortlist. The Top Three in the world for the most prestigious World Car of the Year 2020 are: The Kia Telluride, Mazda3 and Mazda CX-30! #WCOTY pic.twitter.com/JOu2KCyvnC
— World Car Awards (@WorldCarAwards) March 5, 2020
Жумладан, энг яхши шаҳар автомобили номи учун Kia Soul EV ва Mini электрокарлари ҳамда Volkswagen T-Cross кроссовери курашади. “Ҳашаматли автомобил” йўналишида ғолиблик учун Mercedes-Benz EQC электрокроссовери, Porsche 911 спорткари ва Porsche Taycan электромобили синашади. Энг яхши спорткар номи учун Porsche: 911, Taycan ва 718 Boxster GT4/Cayman GT4 даъвогарлик қилади.
Ва ниҳоят, энг яхши дизайн йўналишидаги мукофот Peugeot 208, Mazda3 ёки Porsche Taycan моделларидан бирига насиб қилади.
Шу тариқа Porsсhe’нинг илк электромобили Porsche Taycan уч номинацияда, жумладан асосий йўналишда ғалабага даъвогарлик қилмоқда. Ғолиблар апрелда маълум қилинади.
2019 йилда танловда Jaguar I-Pace электрокари ғалаба қозонган.
Аввалроқ Европадаги йил автомобили маълум қилинганди. Бу номга Peugeot 208 хэтчбеги сазовор бўлди.
Мавзуга оид
09:49 / 04.10.2024
Наманганда юзлаб автомобиллар давлат рўйхатидан ноқонуний ўтказилгани айтилмоқда. Иш республика даражасида терговда
11:04 / 28.09.2024
ГФРда уч эркак РФга қимматбаҳо автомобиллар экспорти учун судланди
16:10 / 22.09.2024
Ўзбекистонда 8 ойда 260 минг донадан ошиқ енгил автомобил ишлаб чиқарилгани маълум қилинди
16:21 / 03.09.2024