Энди Ўзбекистон Республикаси аҳолиси ўн йилда камида бир марта мажбурий равишда рўйхатга олинади
2020 йил 16 март куни Ўзбекистон Республикаси президенти Шавкат Мирзиёев “Аҳолини рўйхатга олиш тўғрисида”ги қонунни имзолади.
Қонуннинг мақсади аҳолини рўйхатга олиш соҳасидаги муносабатларни тартибга солади.
Қонунга кўра, Ўзбекистон Республикаси аҳолиси ҳар ўн йилда камида бир марта рўйхатга олинади. Давлат статистика қўмитаси аҳолини рўйхатга олиш соҳасидаги махсус ваколатли орган ҳисобланади.
Фуқаролар ўзини ўзи бошқариш органлари, нодавлат нотижорат ташкилотлари ва оммавий ахборот воситалари аҳолини рўйхатга олишга тайёргарлик кўришга ва уни ўтказишга кўмаклашиши, аҳолини рўйхатга олишни ўтказиш тўғрисида хабардор қилиш жараёнида иштирок этиши, шунингдек бу жараёнларга тайёргарлик кўриш ва уни ўтказиш жараёнида жамоатчилик назоратини амалга ошириши мумкин.
Қонун расман эълон қилинган кундан кучга киради.
