Навоий шаҳрида «Макро» савдо мажмуасида ёнғин содир бўлди

Навоий вилоятидаги «Макро» савдо мажмуасида содир бўлган ёнғин юзасидан бирламчи маълумот берилди

Фото: Ижтимоий тармоқлар

2020 йилнинг 17 март куни соат 14:15да Навоий вилояти фавқулодда вазиятлар бошқармаси навбатчилик қисмига Навоий шаҳри И.Каримов кўчасидаги «Макро» савдо мажмуасида ёнғин содир бўлганлиги тўғрисидаги хабар келиб тушган.

ФВВ хабарига кўра, юзага келган ҳодиса оқибатида мажмуанинг ташқи ва буфет қисмида 150 кв.м майдони ёнган. Мазкур хабар юзасидан воқеа жойига бошқарманинг 7 та ёнғин ўчириш экипажи етиб борган.

Ёнғин-қутқарув гуруҳининг олиб борган тезкор ҳаракатлари натижасида ёнғин соат 14:35да тўлиқ бартараф этилган. Шунингдек, 2130 кв.м. майдони алангадан сақлаб қолинган.

Ёнғинда ҳалок бўлган ва жабрланганлар қайд этилмаган. Ҳолатнинг келиб чиқиш сабаблари ва зарари аниқланмоқда.

Тайёрлаган: Отабек Матназаров

#ёнғин #Навоий #Макро