Ўзбекистон Буюк Британия ва Покистонга олтингугурт экспорт қилади

“Ўзбекнефтгаз” қазиб олинаётган газни қайта ишлаш натижасида олинган олтингугурт маҳсулотини хорижга экспорт қилишни йўлга қўйди

Фото: Илья Серов

Бугунги кунда олтингугурт маҳсулотини экспорт қилиш бўйича дастлабки шартнома Буюк Британиядан рўйхатдан ўтган Commoditrade Limited компанияси билан имзоланди.

Шартномага кўра, 100 минг тонна олтингугурт маҳсулоти экспорт қилинади, дея хабар бермоқда “Ўзбекнефтгаз” АЖ матбуот хизмати.

Бундан ташқари, Покистон давлатининг International Business System компанияси билан ҳам экспорт бўйича шартнома имзоланишига эришилди ҳамда 50 минг тонна олтингугурт маҳсулоти экспорт қилинишига келишилди.