Қўшимча функционаллар
-
Тунги кўриниш
Қозоғистонда коронавирус сабабли карантин чоралари кучайтирилади
Қозоғистонда коронавирус юқтириш билан боғлиқ 300дан ортиқ ҳолат қайд этилган. Нур-Султон ва Олмаотада 19 мартдан карантин жорий этилган.
Коронавирус сабабли Қозоғистоннинг барча ҳудудларида карантин чоралари кучайтирилади. Бу ҳақда мамлакат соғлиқни сақлаш вазири Елжан Биртанов маълум қилди.
"Бизнинг вазифамиз – ўсишни камайтириш, янги ҳолатларни камайтириш. Айнан шунинг учун давлат раҳбари томонидан бутун мамлакат бўйлаб карантин эълон қилинди, айнан шунинг учун нафақат Нур-Султон ва Олмаотада, балки барча ҳудудларда карантинни кучайтириш бўйича чоралар қабул қилинди", - деди Биртанов.
У ўз-ўзини изоляция қилиш ва бошқалар билан мулоқотни чеклаш муҳим эканлигини таъкидлади.
Қозоғистонда коронавирус юқтириш билан боғлиқ 300дан ортиқ ҳолат қайд этилган. Нур-Султон ва Олмаотада 19 мартдан карантин жорий этилган. Душанбадан яна олтита шаҳар: Атирау, Қарағанда, Темиртау, Саран, Шахтинск ва Абай карантин учун ёпилди.
Коронавирус
