Сенат аъзолари ва девони ходимлари коронавирусга тест топширди

Сенат раҳбарияти, аъзолари ва девон ходимлари коронавирусга тест топширди. Тест натижалари манфий бўлиб, уларда вирус аниқланмаган.

Фото: KUN.UZ

Сенат ахборот хизматининг Kun.uzʼга маълум қилишича, Сенат вақтинча йиғилишларни ўтказиш тартибини ўзгартирган. Бундан буён, Олий Мажлис юқори палатаси кўриб чиқадиган масалалар видеоалоқа тарзида ўтадиган йиғилишларда кўрилади.

Маълумот учун, Сенатнинг учинчи ялпи мажлиси Ўзбекистон парламенти тарихида биринчи марта онлайн тарзда ўтказилганди.

Foreign Policy раҳбари Адам Ҳук Ўзбекистон парламенти танловини эътироф этиб, ривожланган давлатлар учун намуна қилиб кўрсатган.