Афғонистонда масжидларга ва сиёсий митингларга бориш тақиқланди - ОАВ

Афғонистон уламолар олий кенгаши 5 апрелда коронавирус тарқалишига қарши чора сифатида масжидларга ва гавжум тадбирларга боришни тақиқловчи фатво чиқарди.

Фото: Adobe Stock

Бу ҳақда TOLOnews телеканали хабар берди.

Уламолар кенгаши “коронавирус мамлакатда буткул йўқ қилинмагунча барча диний, сиёсий, жамоат ва маданий йиғилишлар ҳамда намойишлар ўтказилишига тақиқлов қўйган”. Таъкидланишича, уламолар мусулмонларни уйда қолишга ҳамда коронавирусдан вафот этган марҳумнинг дафн маросимини махсус эҳтиёт чораларига амал қилган ҳолда ва иложи борича камроқ яқинлар билан ўтказишга чақирган.

Охирги маълумотларга кўра, айни вақтда Афғонистонда коронавирусга чалинганлар сони 337 нафарни, вафот этганлар 7 нафарни ташкил қилмоқда.

Тайёрлаган: Шуҳрат Раҳимов

#Афғонистон #масжидлар #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.