Евроиттифоқ коронавирусга қарши курашга 15 миллиард евро ажратади

Европа иттифоқининг коронавирус оқибатларига қарши курашиш доирасида ҳамкорларига умумий ёрдами 15 миллиард еврони ташкил этади, деди Еврокомиссия раҳбари Урсула фон Дер Ляйен.

Фото: Reuters

Унинг сўзларига кўра, ёрдам соғлиқни сақлаш тизимларини зудлик билан қўллаб-қувватлаш, иқтисодиётни инқироздан кейинги даврда рағбатлантириш, иш ўринларини сақлаб қолишга йўналтирилади.

"ЕИ пандемияга қарши кучли халқаро жавобни мувофиқлаштиришга тайёр", - деди фон дер Ляйен.

У хусусан, яқин ҳафталарда Африка мамлакатларига ёрдам зарур бўлиши мумкинлигини қайд этди.

"Биз ҳамкорларимизни қўллаб-қувватлашимиз даркор. Африка бир неча ҳафтадан кейин Европа дуч келган муаммолар билан тўқнаш келиши мумкин", - деди у.

Тайёрлаган Дилшод Аскаров

#ЕИ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.