Японияда бир кун ичида коронавирусдан рекорд сонда одам вафот этди

Японияда коронавирус қурбонлари бир кун ичида 23 нафарга кўпайиб, бу пандемия вақтида Кунчиқар мамлакатда қайд қилинган янги ўлимлар сони бўйича энг катта кўрсаткичдир.

Бу ҳақда Kyodo ахборот агентлиги хабар берди.

Японияда умумий ҳисобда коронавирус қурбонлари сони 274 нафарга етган. Касалланганлар сони эса 11864 нафарни ташкил қилмоқда. Касалланиш ҳолатлари энг кўп пойтахт Токиода (3182 нафар), Осака (1296) ва Канагава (799) префектураларида қайд қилинган.

Аввалроқ Япониянинг жамоатчилик телевидениеси мамлакатда коронавирус тарқалиши суръати пасайганини маълум қилган.

8 апрелдан Токио ва унга қўшни Канагава, Сайтама ва Тиба, Хонсю оролидаги Осака ва Хего ҳамда Кюсю оролидаги Кюсю префектураларида фавқулодда ҳолат тартиби амал қила бошланганди. 16 апрелда эса бутун мамлакат бўйлаб 6 майгача фавқулодда ҳолат жорий қилинган. Бу чоралардан асосий мақсад одамлар орасидаги ўзаро алоқаларни 80 фоизга қисқартириш, апрель охири-май бошидаги байрамлар даврида мамлакат бўйлаб сафарларнинг олдини олиш ҳисобланади.

Тайёрлаган Шуҳрат Раҳимов

#Япония #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.