Филиппинда 16 кунлик чақалоқ коронавирусдан соғайди

Филиппин соғлиқни сақлаш вазирлиги дунёга келганининг 16-кунида коронавирусдан соғайган чақалоқ ҳақида маълум қилди.

Фото: Depositphotos

Бу ҳақда вазирликнинг твиттердаги саҳифасида хабар қилинган.

ОАВ маълумотларига кўра, боланинг ота-онаси 5 кунлик фарзандини юқори ҳарорат билан Маниладаги шифохонага олиб келган. Бир неча кундан кейин коронавирусга тест болада вирус борлигини кўрсатган. Чақалоқ даволаш бошлангандан 11 кун ўтиб соғайиб кетган. У мамлакатда коронавирусдан фориғ бўлган энг ёш бемор бўлган.

“16 кун аввал туғилиб, коронавирусни енгган энг ёш беморни кутиб олинг. Бизнинг Миллий болалар шифохонаси ходимлари чақалоқни 11 кун тинимсиз парваришлашди ва уни тузатишга муваффақ бўлишди”, дейилган вазирлик хабарида.

Охирги маълумотларга кўра, Филиппинда коронавирусга чалинганлар сони 8488 нафарни, ундан вафот этганлар 568 нафарни ташкил қилмоқда.

Тайёрлаган: Шуҳрат Раҳимов

#Филиппин #чақалоқ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.