Япония 43та мамлакатга коронавирусга қарши дорини бепул етказиб беради

Дори бундан олти йил аввал гриппни даволаш учун ишлаб чиқарилган. Аммо унинг ҳомилага салбий таъсир кўрсатиши аниқлангани учун ҳомиладор аёлларга тавсия этиш тақиқланган. Хитойлик шифокорлар унинг янги турдаги коронавирус инфекцияси чақирадиган зотилжамни даволашда самарали эканлигини аниқлади.

Фото: Getty Images

Япония янги турдаги коронавирус чақирадиган зотилжамни даволаш учун "Авиган" дори воситасини 43та мамлакатга бепул етказиб беришни бошлайди. Бу ҳақда Япония ташқи ишлар вазири Тосимицу Мотэги маълум қилди.

Бу дори "Фавипиравир" ва "Фавилавир" номлари билан ҳам танилган.

"Ҳар бир мамлакат ташқи ишлар вазирлари билан телефон орқали мулоқотда "Авиган"га нисбатан қизиқиш катта эканлиги маълум бўлди. Биз қарийб 80та давлатдан "Авиган" етказиб бериш сўровини олдик. Бугунги кунгача 43та мамлакат билан етказиб бериш тафсилотлари бўйича келишувга эришдик", - деди у.

Охирги маълумотларга кўра, Японияда коронавирусга чалинган сони 15,2 мингдан ошган, 490 киши вафот этган.

Тайёрлаган Дилшод Аскаров

#Япония #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.