БААнинг Шаржа шаҳрида 48 қаватли бинога ўт кетди

5 май, сешанба оқшомида Бирлашган Араб Амирликларининг Шаржа шаҳридаги 48 қаватли бинода йирик ёнғин юз берди. Қурбонлар йўқлиги, тўққиз киши енгил жароҳат олгани айтилмоқда.

Воқеа жойидан олинган видеоларда ёнғин бинони деярли тўлиқ қоплаб олганини кўриш мумкин. Воқеа жойида ўт ўчирувчилар ва шифокорлар иш олиб бормоқда.

Khaleej Times хабарига кўра, Abbco Tower номли иншоот Шаржада баландлиги бўйича 8-рақамли бино ҳисобланади.

Маълум қилинишича, ёнғин маҳаллий вақт билан соат 21:04да бинонинг 10-қаватида бошланиб, тезда қолган қаватларга ҳам ёйилган. Қутқарувчилар воқеа жойига саноқли дақиқаларда етиб келишган ва бинодаги барча одамларни эвакуация қилишга улгуришган.

Ёнғин 3 соатга бормай бартараф этилган.

Gulf News`нинг ёзишича, 9 киши енгил жароҳат олган, бинодан 250га яқин оила олиб чиқилган. Бинога ёндош иморатлардаги одамлар ҳам эвакуация қилинган.

Ёнғин бинодаги ресторанлардан бирида бошланган бўлиши мумкинлиги тахмин қилинмоқда.

Fire breaks out in Sharjah building

Details...https://t.co/ECgPVKKWVk

Video by Abhishek Sen Gupta/Khaleej Times pic.twitter.com/aEyzjbihPh
— Khaleej Times (@khaleejtimes) May 5, 2020

Sharjah fire: According to eye witnesses, the blaze erupted in a building next to Taj Bangalore restaurant.
Details...https://t.co/ECgPVKKWVk
Video by Shihab/Khaleej Times pic.twitter.com/s8XEiZCIgc
— Khaleej Times (@khaleejtimes) May 5, 2020

Sharjah fire: Fire engines and ambulances rushed to the scene and were working to put out the blaze.

Details...https://t.co/ECgPVKKWVk

Video by Shihab/Khaleej Times pic.twitter.com/tlxjZe8rJM
— Khaleej Times (@khaleejtimes) May 5, 2020

Маълумот учун, Шаржа – БААда Дубай ва пойтахт Абу-Дабидан кейинги учинчи энг йирик шаҳар бўлиб, Дубай-Шаржа-Ажман метрополисининг бир қисми саналади.