Turkish Airlines июндан 19 та давлат билан авиаалоқани тиклайди

Туркиянинг энг йирик авиакомпанияси Turkish Airlines июнь, июль ва август ойларида парвозларни тиклаш режасини тайёрлади. Компания дастлаб ички рейсларни, сўнгра 19 та давлатга 22 та йўналиш бўйича халқаро рейсларни тиклайди.

Бу ҳақда Daily Sabah нашри хабар берди.

Авиакомпания июнда 60 фоиз ички рейсларни тиклаб, июль ва августда уларни кенгайтирмоқчи.

Жумладан, июндан авиакомпания Канада, Афғонистон, Қозоғистон, Япония, Жанубий Корея, Сингапур, Дания, Швеция, Германия, Норвегия, Австрия, Нидерландия, Бельгия, Беларусь, Исроил, Кувайт, Грузия ва Ливанга парвозларни бошлаб, ҳафтасига 75 та рейс амалга оширмоқчи.

Компания июлда 103 та, августда эса 160 та халқаро йўналиш бўйича парвозларни амалга оширишни режалаштирмоқда.

Turkish Airlines коронавирус пандемияси сабабли барча халқаро парвозларни 28 майгача тўхтатганди. У йўловчи рейсларининг бир қисмини юк ташишлар билан алмаштирганди.

Тайёрлаган Шуҳрат Раҳимов

#Туркия #Turkish Airlines

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.