Ўзбекистоннинг баъзи ҳудудларида кучли ёмғир ва дўл ёғди. Kun.uz ўқувчилари ўзлари гувоҳ бўлган ҳолатларнинг сурати ва видеоларини улашишди.
Маълум бўлишича, Қашқадарё ва Навоий вилоятларида кучли ёмғирга қўшилиб дўл ҳам ёғган. Самарқандда ҳам момақалдироқ ва кучли ёмғир кузатилди. Навоий ва қашқадарёлик ўқувчилар дўлнинг суратларини юборишди. Ўқувчиларнинг ёзишича, бу ҳудудларда ёмғир сабаб кўчаларни сув босган.
Кеч тушиши билан Тошкент шаҳрида ҳам ҳаво ўзгариб, чақмоқ чақди.
