Қирғизистонда коронавирусга чалинганлар сони мингдан ошди

Қирғизистонда коронавирусга чалинганлар сони мингдан ошди. Айни вақтда беморлар сони 1002 нафарни ташкил қилмоқда.

Фото: 24.kg

Бу ҳақда республиканинг коронавирусга қарши курашиш бўйича штабида маълум қилинди.

Мамлакатда 10 май ҳолатига кўра, 71 та янги касалланиш ҳолати қайд этилган. Беморлардан 55 нафари яқинда Россиянинг Соль-Илецк шаҳридан қайтган 55 қирғизистонлик.

Янги касалланиш ҳолатларидан кейин республикада вирусга чалинганларнинг умумий сони 1002 нафарга етди. Вирусдан вафот этганлар 12 кишини ташкил қилмоқда. 675 нафар бемор шифо топиб кетган.

Қирғизистонда коронавирус эпидемияси сабабли фавқулодда вазият амал қилмоқда.

Тайёрлаган Шуҳрат Раҳимов

#Қирғизистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.