Парижликларга кўп марталик ҳимоя ниқоби тарқатилади

Францияда 11 майдан коронавирус тарқалиши сабабли киритилган чекловларни босқичма-босқич олиб ташлаш бошланди.

Фото: REUTERS / Charles Platiau

Париж мэрияси шаҳар аҳолисини кўп марта фойдаланиладиган ниқобларни бепул олиш учун онлайн шаклни тўлдиришга чақирди.

"Париж мэрияси ювиладиган ниқобларни тақдим этади. 11 майдан дорихоналарга келиб ўзингиз ва 11 ёшдан катта оила аъзоларингиз учун ниқобларни бепул олиб кетишни таклиф қиламиз", - дейилади шаҳар мэрияси сайтида.

Францияда 11 майдан коронавирус тарқалиши сабабли киритилган чекловларни босқичма-босқич олиб ташлаш бошланди. Мамлакатда мактаблар, дўконлар, савдо марказлари (Париждан ташқари), сартарошхоналар очилди. Қаҳвахона, бар ва ресторанлар, пляж ва парклар эса ҳозирча ёпиқ туради.

Франция ҳукуматининг маълум қилишича, жамоат транспортида ниқоб тақиш мажбурий бўлади, бу қоидани бузганлик учун 135 евро жарима белгиланган.

Охирги маълумотларга кўра, Францияда коронавирусга чалинганлар сони 177 мингдан ошган, 26,3 мингдан ортиқ киши вафот этган.

Тайёрлаган Дилшод Аскаров

#Париж #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.