McDonald’s карантиндан кейин ишлашга мослаштирилган ресторанини намойиш этди

Нидерландиянинг Арнем шаҳридаги McDonald’s ресторани тармоқнинг карантиндан кейин ишлаш учун бутунлай қайта жиҳозланган биринчи муассасаси бўлди.

Фото: iStock

Ресторанга киришда ижтимоий масофага риоя қилиш шарт – бунинг учун ерга махсус белгилар чизилган.

Мижозларни қўлқоп таққан, лекин ниқобсиз ходим кутиб олади. У меҳмонларга маълум бир столга ўтириш имконини берувчи махсус рақам беради.

Меҳмонлар терминал орқали керакли егуликни танлайди ва ўзларига ажратилган рақамли столга ўтиради.

Буюртма тайёр бўлганида ресторан ходими уни махсус аравачада келтиради. Меҳмонлар тайёр таомларни ўз қўллари билан олишлари керак бўлади.

Тайёрлаган Дилшод Аскаров

#McDonald’s #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.