Хитой терма жамоаси онлайн режимида ўтган Миллатлар кубоги мусобақасида ғалаба қозонди. Суперфиналда хитойлик шахматчилар АҚШ терма жамоасини мағлуб этишди.
Финалда жамоалар 2:2 ҳисобида дуранг натижа қайд қилишган бўлса-да, бироқ айланма усулда ўтказилган мусобақада кўпроқ очко тўплаган Хитой ғолиб деб топилган.
Хитой терма жамоаси учун Дин Лижэн, Ван Хао, Вэй И, Юй Янъи, Хоу Ифан ва Цзюй Вэньцзюнь, АҚШ терма жамоаси учун Хикару Накамура, Фабиано Каруана, Леньер Домингес Перес, Уэсли Со, Ирина Круш ва Анна Затонских иштирок этган.
Мусобақаларнинг 1-босқичида Хитой 17 очко билан етакчилик қилган. 2-ўринни АҚШ (13 очко), 3-ўринни Европа терма жамоаси (13 очко), 4-ўринни Россия (8 очко), 5-ўринни Ҳиндистон (5 очко) ва 6-ўринни “қолган дунё” (4 очко) эгаллаган.
Мусобақанинг мукофот жамғармаси 180 минг долларни ташкил қилган.
Аввалроқ амалдаги жаҳон чемпиони Магнус Карлсен ўзи ташкил этган ва онлайн режимида ўтган Magnus Carlsen Invitational супертурнири ғолиби бўлгани маълум қилинганди. Норвегиялик спортчи финалда америкалик Хикара Накамурани 2,5:1,5 ҳисобида мағлуб эта олган.
It's official! China is the winner of FIDE https://t.co/H5lI2q7beO Online Nations Cup. Congratulations! 🇨🇳
— International Chess Federation (@FIDE_chess) May 10, 2020
The Superfinal match against USA ended in a draw 2-2 but it was enough for China as they won the round-robin stage. https://t.co/0GQybGZHkD#NationsCup #chess #China pic.twitter.com/bzknZyWbUu