Қўшимча функционаллар
-
Тунги кўриниш
АҚШ Беларусга нефть етказиб беришни бошлади
АҚШ давлат котиби Майкл Помпео Беларусь президенти Александр Лукашенко билан учрашувида Қўшма Штатлар Беларусь мустақиллигини қўллаб-қувватлашини ва энергия ресурслари борасида ҳамкорлик қилишга тайёрлигини айтганди.
Беларусь ташқи ишлар вазири Владимир Макей республикага АҚШдан нефть етказиб бериш бошланганини маълум қилди.
"АҚШдан Беларусга нефть етказиб бериш бошланганини мамнуният билан тасдиқлайман. Бу 2020 йил 1 февралда АҚШ давлат котиби Майкл Помпеонинг Беларусь Республикасига ташрифи ва Беларусь президенти Александр Лукашенко билан учрашуви натижасидир", - дейилади Макейнинг баёнотида.
Макей шунингдек, Беларусь икки томонлама иқтисодий алоқаларни янада ривожлантириш бўйича Америка томони билан иш олиб бораётганини маълум қилди.
"Белнефтехим" концерни матбуот котиби Александр Тишченконинг айтишича, нефть ортилган биринчи танкер АҚШдан Клайпеда (Литва) портига июнь бошида етиб келади.
Унинг аниқлик киритишича, сиғими 80 минг тонна бўлган танкерга Bakken навли нефть ортилган.
Танкер Клайпеда портига етиб келганидан кейин нефть темир йўл орқали Новополоцкдаги "Нафтан"нефтни қайта ишлаш заводига келтирилади.
АҚШ давлат котиби Майкл Помпео Беларусь президенти Александр Лукашенко билан учрашувида Қўшма Штатлар Беларусь мустақиллигини қўллаб-қувватлашини ва энергия ресурслари борасида ҳамкорлик қилишга тайёрлигини айтганди.
"АҚШ Беларусга ўз суверен давлатини ташкил қилишига ёрдам бермоқчи. Энергия ресурслари ишлаб чиқарувчиларимиз сизларни зарур нефть билан рақобат нархларида юз фоизга таъминлашга тайёр. Бизни чақирсангиз бас!" – деганди Помпео.
