Qoʻshimcha funksionallar
-
Tungi ko‘rinish
Rossiya, neft va sanksiyalar. Pompeoning Lukashenko bilan uchrashuvida nimalar haqida so‘z bordi?

Foto: Reuters
AQSh davlat kotibi Mayk Pompeo Minskda Belarus prezidenti Aleksandr Lukashenko bilan uchrashdi. Bu Qo‘shma Shtatlar tashqi siyosat mahkamasi rahbarining Belarusga keyingi 25 yildagi birinchi tashrifidir.
Pompeo Vashington yaqin vaqt ichida Belarusga o‘z elchisini yuborishini aytdi. Bu davlatda 2008 yildan buyon AQSh elchisi faoliyat ko‘rsatmaydi.
Uchrashuvda Mayk Pompeo Rossiya va Belarus munosabatlariga ham to‘xtalib o‘tdi.
"Qo‘shningiz Rossiya bilan uzoq tarixga ega ekanligingizni tushunamiz. Ammo bizni yoki ularni tanlash to‘g‘risida gapirmaymiz. Biz diplomatik munosabatlar to‘g‘risida so‘z yuritamiz. Biz munosabatlarimizni kengaytiramiz", - dedi u.
AQSh davlat kotibi Qo‘shma Shtatlar Belarus mustaqilligini qo‘llab-quvvatlashini va energiya resurslari borasida hamkorlik qilishga tayyorligini aytdi.
"AQSh Belarusga o‘z suveren davlatini tashkil qilishiga yordam bermoqchi. Energiya resurslari ishlab chiqaruvchilarimiz sizlarni zarur neft bilan raqobat narxlarida yuz foizga ta'minlashga tayyor. Bizni chaqirsangiz bas!" – dedi Pompeo.
Matbuot anjumanida Lukashenko va Belarusning boshqa fuqarolariga nisbatan joriy etilgan sanksiyalar to‘g‘risidagi savolga javob berarkan, Pompeo ikki mamlakat munosabatlari yaxshilanib borayotganligini va bu "sanksiyalarni olib tashlash jarayonini tezlashtirishi mumkin"ligini aytdi.
Avvalroq AQSh davlat kotibi Kiyevda bo‘lib, Ukraina prezidenti Vladimir Zelenskiy bilan xavfsizlik va mamlakatdagi korrupsiya masalalarini muhokama qilgandi.
O‘zbekiston Tashqi ishlar vazirligining ma'lum qilishicha, Mayk Pompeo 2 fevral kuni Toshkentga keladi. U 3 fevral kuni «C5+1» shaklidagi vazirlar uchrashuvida ishtirok etadi.
Uchrashuvda O‘zbekiston tashqi ishlar vaziri Abdulaziz Komilov, Qirg‘iziston tashqi ishlar vaziri Chingiz Aydarbekov, Qozog‘iston tashqi ishlar vaziri Muxtar Tleuberdi, Tojikiston tashqi ishlar vaziri Sirojiddin Muhriddin, Turkmaniston tashqi ishlar vaziri Rashid Meredov qatnashadi.
Tashrif davomida Mayk Pompeo prezident Shavkat Mirziyoyev qabulida ham bo‘ladi.
AQSh davlat kotibining mintaqa diplomatiyasi yetakchilari bilan uchrashuvida Qo‘shma Shtatlarning Markaziy Osiyo bo‘yicha yangi strategiyasi ham asosiy mavzulardan bo‘ladi.
Tavsiya etamiz
Germaniyaga ishga yuborish bilan bog‘liq firibgarlik holati aniqlandi
Jamiyat | 15:33 / 23.07.2025
O‘zbekistonda iPhone narxlari qimmatlashdi. Nega?
Iqtisodiyot | 21:38 / 22.07.2025
Toshkentda bemorga shilqimlik qilgan shifokor 5 sutkaga qamaldi
Jamiyat | 15:28 / 22.07.2025
Tarkibida kuchli ta’sir qiluvchi moddalar bo‘lgan ozdiruvchi qahvalar savdosiga chek qo‘yildi
Jamiyat | 09:27 / 22.07.2025
So‘nggi yangiliklar
-
Moldovadan qochgan oligarx Plaxotnyuk Gretsiyada ushlandi
Jahon | 09:02
-
O‘zbekiston va Turkmaniston dori vositalari ishlab chiqaruvchi qo‘shma korxonalar tashkil etadi
Iqtisodiyot | 08:57
-
Rossiya dumasi «ekstremistik materiallar»ni qidirganlik uchun jarimalarni tasdiqladi
Jahon | 08:23
-
O‘zbekiston va Serbiya raqamli mahsulotlarni birgalikda ishlab chiqaradi
O‘zbekiston | 08:18
Mavzuga oid

23:22 / 23.07.2025
AQSh Olimpiya qo‘mitasi transgenderlarga ayollar musobaqalarida ishtirok etishini taqiqladi

23:01 / 22.07.2025
AQSh Trampning yangi muddati davomida Ukrainaga birinchi harbiy yordam shartnomasini e’lon qildi

19:00 / 22.07.2025
AQSh yana YuNeSKO tarkibidan chiqadi

18:57 / 22.07.2025