Испанияда коронавирус қурбонлари хотирасига ўн кунлик мотам эълон қилинади

Сешанба куни Испанияда коронавирус эпидемияси қурбонлари хотирасига ўн кунлик мотам эълон қилинади.

Фото: Joaquin Corchero/Global Look Press

Испанияда 282 мингга яқин кишида коронавирус аниқланган бўлиб, 28,6 мингдан ортиқ киши вафот этган.

"Биз асрнинг энг ёмон балосини тўхтатдик. Олдинда мамлакатимизни тиклаш вазифаси турибди. Ҳукумат сешанбадан бошлаб мотам эълон қилиш тўғрисида расмий баёнот қабул қилади. Мотам ўн кун давом этади", - деди Испания бош вазири Педро Санчес.

Испанияда 282 мингга яқин кишида коронавирус аниқланган бўлиб, 28,6 мингдан ортиқ киши вафот этган.

18 майдан қиролликнинг аксарият жойларида пандемия сабабли киритилган чеклов чораларини юмшатишнинг янги босқичига ўтилди.

Ушбу босқичда яқин кишилар билан учрашишга, маълум бир чекловлар асосида қаҳвахона ва барларнинг айвонлари, меҳмонхона ва музейларни очишга рухсат берилди.

Тайёрлаган Дилшод Аскаров

#Испания #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.