Трамп Обамани давлатга хиёнат қилишда айблади

АҚШ президенти Дональд Трамп ўзидан аввалги президент Барак Обамани 2016 йилги сайловолди кампанияси вақтидаги “айғоқчилик” учун давлатга хиёнат қилишда айблади. 
 
“Бу давлатга хиёнатдир. Улар менинг кампаниям ортидан айғоқчилик қилишган, мен бу ҳақда анча олдин гапиргандим. Мен ўшанда ҳақ бўлган эканман”, деб айтган Трамп CBN News телеканалига берган интервьюсида. 

Май ойида Трамп Обамани “АҚШ тарихидаги энг йирик сиёсий жиноятни содир этишда” айблаган, бироқ гап нима ҳақида бораётганига аниқлик киритмаган. Бундан аввалроқ эса Оқ уй раҳбари Обама президент бўлган вақтда унинг Россия билан алоқаларини ўрнатиш мақсадида унинг ортидан кузатув олиб борилганини айтган.        

Демократларнинг айбловига кўра Трампнинг Россия билан эҳтимолий алоқалари масаласи тергови билан махсус прокурор Роберт Мюллер шуғулланган. Трамп ҳам, Москва ҳам “ўзаро тил бириктирганлик” борасидаги айбловларни бир неча марта рад этишган. Тергов ҳам Трампнинг Россия билан алоқалари йўқлигини кўрсатган.