Матбуот ва оммавий ахборот воситалари ходимлари куни муносабати билан Андижонда бир қатор тадбирлар бўлиб ўтди.
Андижон вилоят ҳокимлиги томонидан соҳанинг фаол ҳамда фахрий вакиллари учун вилоят бўйлаб пресс-тур ташкил этилди. Журналистлар Андижон шаҳрида фаолият бошлаган “Рақамли шаҳар”да, Муҳаммад Юсуф зиёратгоҳида бўлдилар.
Марҳамат туманида Эркин Воҳидов номидаги “Шахмат мактаби”нинг очилиш маросимида иштирок этиб, янги спорт мактабида ёшларнинг шахмат ва волейбол билан шуғулланишлари учун яратилган шароит билан танишишди.
Шундан сўнг мазкур мактабнинг анжуманлар залида Андижон вилоят ҳокими Шуҳратбек Абдураҳмонов иштирокида байрам муносабати билан ташкил этилган тадбир бўлиб ўтди.
Унда соҳанинг илғор вакиллари вилоят ҳокимлигининг фахрий ёрлиқлари ва эсдалик совғалари билан тақдирландилар.
KUN.UZ мухбири Элмурод Эрматов
