Юнусободда 2500 қути тамаки маҳсулотларини ноқонуний сотаётган шахс қўлга олинди

Сирдарё вилояти божхона бошқармаси Контрабандага қарши курашиш ва божхона аудити бўлими ходимлари Тошкент шаҳрида тамаки маҳсулотларининг ноқонуний айланмасига қарши тезкор тадбир ўтказди.

Давлат божхона қўмитаси хабарига кўра, тезкор тадбир давомида Юнусобод туманида фуқаро А.Х. ўз бошқарувидаги «Матиз» русумли енгил автотранспорт воситасида шартли харидорга умумий қиймати 28,7 миллион сўмлик 2500 қути тамаки маҳсулотларини ноқонуний тарзда пуллаётган вақтида ашёвий далиллар билан қўлга олинган.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.

Аввалроқ 2та «Мерседес» автомобилини ноқонуний олиб киришга бўлган уринишлар фош бўлгани ва 1 миллиард сўмлик автошиналарни ноқонуний олиб кирмоқчи бўлганлар тўхтатиб қолингани маълум қилинган эди.

#божхона

Kun.uz янгиликларини Google News'да кузатинг

+ Обуна бўлиш