Навоий кўчасининг Ўрдадан Чорсугача бўлган қисми таъмирланмоқда

Тошкент шаҳрида 6 июль соат 08:00га қадар Алишер Навоий кўчасининг Лабзак кўчасидан Сақичмон кўчасигача бўлган қисмида йўл таъмирлаш ишлари олиб борилади.

Фото: Тошкент шаҳар ҳокимлиги матбуот хизмати

Шаҳар ҳокимлиги хабарига кўра, бу жараёнда йўл қатнов қисмининг фақат битта чизиғи автомобиллар ҳаракатланиши учун очиқ бўлади.

«Тирбандликларнинг олдини олиш мақсадида ҳайдовчиларга айланма йўллардан ҳаракатланишларини тавсия қиламиз. Ноқулайликлар учун узр сўраймиз», – дейилади расмий билдиришда.

Маълумот учун, шу кунларда Абдулла Қодирий ва Лабзак кўчаси кесишмасидаги кўприкда ҳам таъмирлаш ишлари олиб борилмоқда. Ишлар 22 июлга қадар давом этиши хабар қилинган.

Шунингдек, Чилонзор туманидаги Чилонзор кўчасининг бир қисми 24 июлгача ёпилган.

Тошкентда 6та янги йўл ўтказгич қурилади