Порошенкога суд биноси олдида қалбаки долларлар улоқтирилди

Украинанинг собиқ президенти Пётр Порошенко иши кўрилаётган суд биноси олдида Порошенкога қарата бир даста қалбаки долларлар улоқтирилди.

Суд мажлисидаги танаффус вақтида Порошенко кўчада турган тарафдорлари олдига чиқиб нутқ сўзлаётганда одамлар орасидан у томонга долларлар улоқтирилган.

Собиқ президент буни иғво деб атаган ва иғвогарни одамлар орасидан олиб чиқишни талаб қилган. 

8 июлда Киевнинг туман судларидан бирида Порошенкога нисбатан эҳтиёт чораси тайинлаш бўйича суд мажлиси ўтган.