Африкада ўлимга олиб келувчи касаллик назоратсиз тарқалмоқда

Конго Демократик Республикасида Эбола вируси келтириб чиқарадиган ўлимга олиб келувчи касаллик назоратсиз тарқалмоқда.

Фото: Zohra Bensemra / Reuters

Reuters ахборот агентлиги Жаҳон соғлиқни сақлаш ташкилотининг (ЖССТ) фавқулодда ҳолатлар бўйича дастури раиси Майк Райаннинг шу ҳақдаги сўзларини келтирди.

Ҳозирги вақтда Африка давлатидаги беморлар сони 60 нафарга етган. ЖССТ дафн маросимлари энг катта хавф туғдиришини таъкидламоқда. Айнан шу маросимларда вируснинг тарқалиб кеииш хавфи юқори.

Райаннинг таъкидлашича, дам олиш кунлари Конгода 3 нафар одамда инфекцияни юқтириб олиш ҳолати аниқланган. «Касаллик фаоллашди ва уни назорат қилиш имконсиз», — деди у.

1 июнь куни Конго Демократик Республикасининг шимолий-ғарбидаги Мбандака шаҳрида Эбола эпидемияси авж олгани қайд этилди. Шундан сўнг кўрилган чора-тадбирлар натижасида касаллик чекинди. 25 июнь куни эса ЖССТ мамлакатни Эбола эпидемияси устидан ғалаба қозонганлик билан табриклаган эди.