Хитой дунёдаги энг катта ҳидросамолётни синовдан ўтказди

Унинг максимал парвоз вазни 53,5 тоннани ташкил этади.

Фото: Xinhua/Li Ziheng

Дунёдаги энг катта AG600 ҳидросамолётининг дастлабки парвози муваффақиятли бўлиб ўтди. New China TV канали YouTube видеохостингида ушбу парвоз акс этган лавҳани жойлаштирди.

Амфибия-самолёт прототипи синови Сариқ денгиз соҳилида жойлашган Циндао шаҳрида ўтказилди. Самолёт ҳавода ярим соатдан ортиқ парвоз қилди. Аввалроқ қуруқлик ва сувда синовдан ўтказилганди.

FlightGlobal маълумотига кўра, 50 нафаргача йўловчини сиғдира оладиган AG600 экипажи тўрт кишидан иборат.

AG600 қутқариш ишлари ва ёнғин ўчиришга мўлжалланган. Унинг максимал парвоз вазни 53,5 тоннани ташкил этади.