Хорижликларнинг Канадага киришига қўйилган тақиқ 31 августгача узайтирилди

Мазкур чора АҚШдан Канадага ва аксинча йўналишда ҳаракатланаётган юк машиналари ҳайдовчиларига, шифокорлар ва айрим тоифадаги фуқароларга тааллуқли эмас.

Канада ҳукумати мамлакатга хорижликларнинг киришига қўйилган тақиқ муддатини 31 августгача узайтирди. Бу ҳақда ўз манбасига таяниб CBC телеканали хабар берди.

Ушбу тақиқ биринчи бор 16 мартда жорий этилган ва 1 июлгача амал қилганди. Сўнгра эса муддат 31 июлгача узайтирилганди.

Қайд этилишича, мазкур чора АҚШдан Канадага ва аксинча йўналишда ҳаракатланаётган юк машиналари ҳайдовчиларига, шифокорлар ва айрим тоифадаги фуқароларга тааллуқли эмас.

Канадада пандемия бошланганидан буён 116 минг киши коронавирус юқтирган, 9 мингга яқин киши вафот этган.