Хитойда ўлатдан бир киши вафот этгандан кейин карантин киритилди

Хитойнинг шимолидаги Ички Мўғулистон мухтор туманида бир киши ўлатнинг ичак шаклидан вафот этгандан кейин ҳудудда карантин киритилди.

Фото: REUTERS / Thomas Peter

Ўлатдан ўлим Баотоу округида жойлашган Дархон-Мўминган уездида қайд қилинган.

Айни вақтда бемор билан алоқада бўлган 35 киши яккаланган. Туманда юқори эпидемиологик хавф режими киритилган. Ушбу режим йил охиригача давом этади, чунки маҳаллий маъмурият ўлат авж олиб кетишидан хавотирланмоқда.

Ушбу ҳудудда ўлатдан касалланишнинг бош манбайи суғурлар гўштининг истеъмол қилиниши ҳисобланади. Ҳайвон гўшти аксарият термик ишловсиз истеъмол қилинади.